O programa de fidelización Alsa Plus (no sucesivo, o «programa» ou « Alsa Plus») xestionado por ALSA GRUPO, S.L.U. (no sucesivo «AG») ten por obxecto premiar a fidelidade dos clientes de Alsa.

A condición de cliente do programa Alsa Plus é persoal e intransferible.

Por Alsa, enténdense as empresas que utilizan dito distintivo nos seus servizos de transporte de viaxeiros por estrada, excluídos os servizos de transporte urbano de viaxeiros. Co obxecto de mellorar as condicións do programa de fidelización, Alsa reserva a facultade de modificar as presentes condicións en calquera momento. Neste caso, Alsa notificáralles aos seus clientes Alsa Plus, cunha antelación mínima dun mes, a través de correo electrónico e na súa páxina web, a nova estrutura de funcionamento e características, así como a data a partir da cal será efectiva. O cliente que non desexe continuar en Alsa Plus deberá notificalo no prazo dun mes a partir da data da notificación, e pode redimir a totalidade dos puntos acumulados no mesmo período de tempo, sen que a partir de dito momento poida reclamarlle nada a Alsa por este motivo. O programa Alsa Plus quedará cancelado sen previo aviso nin responsabilidade ningunha e non será de aplicación o disposto anteriormente, se nalgún momento ocorren circunstancias de forza maior ou imposicións legais que impedisen a súa continuidade.

As presentes condicións xerais resultan de aplicación desde o 25 de febreiro de 2021.

I. OBXECTO DO PROGRAMA ALSA PLUS

O programa Alsa Plus concede vantaxes e puntos ao titular da conta Alsa Plus pola compra de billetes de Alsa, sempre e cando o titular sexa un dos viaxeiros nesa compra.

Cómpre que o titular consulte cales son as condicións aplicables para cada produto e desconto ofertado relativas á obtención de puntos, publicadas en alsa.es/gl/home, alsa.com e na app. A compra de bonos e determinadas tarifas promocionais especiais non levan asociada a obtención de puntos.

A condición de cliente Alsa Plus supón a autorización expresa para a recepción, a través de calquera medio, incluído correo electrónico, SMS, notificación push, notificación web ou telefonicamente, de calquera información sobre Alsa Plus, novidades, servizos ou promocións de Alsa. Se o cliente non desexa recibir comunicacións comerciais, poderá darse de baixa destas indicándoo no formulario de inscrición, ou modificando o seu perfil de Alsa Plus accesible na web alsa.es/gl/alsaplus. Igualmente, a condición de cliente Alsa Plus outorga a posibilidade de beneficiarse de determinados descontos exclusivos ofrecidos polos establecementos adheridos a Alsa Plus.

II. CONDICIÓNS DO PROGRAMA ALSA PLUS

Poderá participar no programa de fidelización Alsa Plus calquera persoa física maior de 18 anos (no sucesivo, o «cliente»).

A adhesión a Alsa Plus é totalmente gratuíta e implica o coñecemento e a aceptación das presentes Condicións Xerais.

Para adquirir a condición de cliente Alsa Plus, deberá encher o modelo de solicitude establecido para tal efecto, dispoñible nos puntos de venda propios de Alsa e nos sitios web alsa.es/gl/home, e alsa.com e nas apps.

Para identificarse como cliente Alsa Plus, poder xestionar a súa conta e acceder a comprar billetes en calquera das canles de venda propias de Alsa ou as habilitadas para tal fin, precisará do seu documento de identidade (pasaporte, NIE) ou o enderezo de correo electrónico e o contrasinal que o cliente seleccionase para iso.

A baixa do programa pode ser solicitada polo titular da conta en calquera momento e nas canles establecidas para tal efecto. Aqueles clientes Alsa Plus que non teñan ningunha actividade nun prazo de 24 meses pasarán a ser considerados inactivos.

AG reserva o dereito de cancelar a conta de puntos e o seu saldo e anularlle a condición de cliente Alsa Plus ao cliente que incumpra as normas recollidas nas presentes condicións ou que fixesen un uso fraudulento dos billetes Alsa.

AG reserva o dereito de anular o programa de fidelización Alsa Plus en calquera momento, previo aviso aos clientes cun mes de antelación, sen que poida derivarse para ela ningunha responsabilidade polos prexuízos que a cancelación puidese causarlles. Se os clientes Alsa Plus tivesen puntos suficientes para trocar por billetes, poderán efectuar o cambio no prazo dun mes.

III. ADHESIÓN

Para adquirir a condición de cliente Alsa Plus, deberá encher o modelo de solicitude establecido para tal efecto nos sitios web alsa.es/gl/home, e alsa.com e nas apps. Ao adherirse a Alsa Plus, Vde. obrígase a que a información proporcionada no formulario de rexistro sexa, en todo momento, veraz, exacta, actualizada e completa. De non ser así, AG poderá, con carácter inmediato, suspender ou cancelar a súa conta de puntos e denegarlle o acceso, presente e futuro, ao programa mediante a anulación da súa adhesión. O cliente Alsa Plus poderá solicitar a súa baixa no programa en calquera momento, mediante escrito dirixido a Alsa Plus: Dto. Marketing, 4ª planta, c/ Josefa Valcárcel, 20, 28037 Madrid ou ao enderezo de correo electrónico alsaplus@alsa.es, indicando o seu desexo de causar baixa.

IV. VANTAXES ADICIONAIS

Os clientes poderán, igualmente, beneficiarse de vantaxes adicionais, de cuxas características e período de validez AG informará nas súas canles autorizadas. Ditas vantaxes exclusivas non serán, en ningún caso, acumulables a calquera billete promocional.

En caso de contradición entre estes, prevalecerán as condicións fixadas nos billetes promocionais. Complementariamente, os clientes Alsa Plus poderán beneficiarse de tarifas especiais, descontos ou promocións sempre e cando cumpran as condicións definidas por Alsa en cada momento.

Consulte as vantaxes e os descontos adicionais dispoñibles e o seu período de vixencia en www.alsa.es/gl/home e www.alsa.com.

V. OBTENCIÓN DE PUNTOS

O cliente Alsa Plus que realice calquera compra de billetes Alsa nos puntos de venda propios de Alsa, na web alsa.es/gl/home e alsa.com, na app, no servizo telefónico ofrecido por Alsa e nas canles autorizadas por AG terá dereito á obtención de puntos de acordo coa equivalencia de puntos-euros vixente en cada momento, para cada tipo de produto ou tarifa.

AG reserva a facultade de modificar o número de puntos para obter en cada momento pola compra de billetes Alsa.

A obtención de puntos é persoal, dado que o cliente se deberá identificar no momento da compra como cliente de Alsa Plus para poder sumar o total de puntos acumulados pola compra. Alén diso, para que os puntos dunha compra se anoten, polo menos un dos viaxeiros debe coincidir co titular da conta Alsa Plus que estea a realizar a compra.

A anotación dos puntos producirase nas 24-48 horas seguintes á data da viaxe indicada no billete. AG non se fai responsable do atraso que poida producirse na anotación de operacións cando causas alleas á vontade de AG fagan imposible a captura automática das operacións. AG reserva o dereito de cancelar os puntos cargados erroneamente nas contas dos clientes. A anotación automática dos puntos unicamente quedará garantida se a condición do titular e viaxeiro quedou debidamente acreditada e rexistrada na compra do billete.

O dereito a solicitar a anotación de puntos que non se rexistrasen na conta do cliente deberá efectuarse no prazo dun mes contado desde o día seguinte ao da viaxe realizada e conforme o previsto no apartado correspondente en alsa.es/gl/home.

Os puntos Alsa Plus terán unha caducidade de 18 meses desde a data de anotación. Unha vez transcorrido ese prazo, serán descontados da conta do cliente sen posibilidade de que se reasignen nin troquen.

No caso de cancelación de billetes, perderase o dereito de obter puntos por mor do billete cancelado.

VI. CONSULTA DE PUNTOS

O cliente Alsa Plus pode consultar o saldo e movementos da súa conta de puntos no sitio web alsa.es/gl/home e alsa.com.

VII. TROCO DE PUNTOS

O troco de puntos unicamente terá lugar no marco do programa Alsa Plus, a cambio dos billetes Alsa correspondentes.

Os puntos non son, en ningún caso, transmisibles nin trocables por diñeiro. E debes ter un mínimo de 100 puntos (1€) para poder trocalos.

O cliente poderá utilizar os puntos exclusivamente como unha forma de pagamento do prezo do billete de Alsa e, se procede, por aqueles servizos adicionais que AG considere pertinentes e que se definan en alsa.es/gl/home, trocando os puntos dispoñibles polo seu equivalente en euros, conforme a equivalencia de troco vixente en cada momento.

Así mesmo, o cliente poderá trocar puntos acumulados por descontos no importe dos billetes Alsa que adquira; o número de puntos necesarios para a obtención do mencionado desconto virá determinado, en cada caso, en función do itinerario e da clase do servizo de que se trate. O desconto posible estará indicado durante o proceso de compra do billete e figurará especificado en alsa.es/gl/home.

O cliente tamén poderá trocar os seus puntos por billetes Alsa (suxeito a dispoñibilidade de prazas), previa exhibición do documento de identificación, nos puntos de venda propios de Alsa, así como na web alsa.es/gl/home, alsa.com na app e noutras canles alternativas que Alsa porá, no seu caso, á disposición dos clientes. Estes billetes poderán modificarse ou cancelarse salvo que o billete estea asociado a unha promoción que especificamente non permita modificacións ou cancelacións.

AG descontará da conta do titular os puntos correspondentes ao billete Alsa solicitado no momento da recepción da solicitude de troco.

VIII. PROTECCIÓN DE DATOS

ALSA GRUPO, S.L.U. con NIF B82059478, domicilio social en Calle Josefa Valcarcel, 20, 28027 Madrid, datos de contacto do delegado de protección de datos (dpo@alsa.es) e enderezo de correo electrónico: asesoria@alsa.es é o responsable do tratamento dos datos persoais facilitados con ocasión da túa adhesión ao programa de fidelización Alsa Plus. A finalidade principal do tratamento dos teus datos é xestionar a alta e participación no programa de fidelización Alsa Plus. A base xurídica que lexitima o tratamento é a execución do contrato que subscribes connosco. Así mesmo, trataremos os teus datos de forma agregada ou pseudoanonimizada para:

(i) levar a cabo análises estatística e de perfís,

(ii) realizar estudos de mercado relacionados coa mobilidade,

(iii) enviarche enquisas de opinión e satisfacción de cliente,

(iv) conservaremos o teu historial de compra e utilizaremos detalles dos servizos que mercaches anteriormente para suxerirche outros que cremos que poderían interesarche tamén, sen tomar decisións automatizadas baseadas na análise de perfís efectuada.

A base xurídica que lexitima este tratamento é o interese lexítimo da empresa para mellorar os nosos produtos e servizos, así como mellorar e adaptar as nosas canles de venda e o servizo de atención ao cliente. Realizamos unha ponderación de intereses e concluímos que a empresa ten un interese lexítimo en adaptar a estratexia e a oferta comercial de Alsa a partir da información obtida nas transaccións que se realizan nas diferentes canles de venda, así como en obter información que nos permita coñecer o mercado onde actúa Alsa e a súa evolución, todo isto co obxectivo de organizar os recursos do xeito máis eficiente posible no proceso de venda dos nosos servizos.

Igualmente, no caso de que nos autorices, trataremos os teus datos para enviarche publicidade sobre a base do consentimento que nos prestas. O tratamento dos teus datos con fins publicitarios por parte de Alsa inclúe a remisión, a través de calquera medio, incluídos correo electrónico, SMS, notificación push, notificación web ou outro medio de comunicación electrónica equivalente ou contacto telefónico, de calquera información sobre servizos, novidades ou promocións tanto de Alsa como dos establecementos asociados a Alsa Plus relacionados co sector do lecer, transporte, hostalería, formación, telecomunicacións, moda, comercio ao por menor e seguros, no seu caso. A consulta dos establecementos asociados a Alsa Plus poderá realizarse a través da páxina web alsa.es/gl/home e alsa.com. O consentimento prestarase mediante a marcación da casa establecida para tal efecto. O consentimento outorgado pode revogarse en calquera momento mediante solicitude enviada a asesoria@alsa.es. A retirada do consentimento non lle afectará á licitude anterior do tratamento dos teus datos. Os teus datos serán conservados mentres manteñas a relación con AG e non revogues o consentimento prestado ou solicites a cancelación/supresión dos teus datos ou a oposición ao tratamento. Os teus datos non se cederán a terceiros nin se realizarán transferencias internacionais de datos. Os datos marcados cun asterisco téñense que encher obrigatoriamente, e a súa ausencia implica a imposibilidade de darte de alta en Alsa Plus. Entendemos que os datos facilitados son certos, e AG reserva neste caso a facultade de excluír do programa a aqueles clientes que facilitasen datos falsos ou inexactos. O cliente poderá revogar o seu consentimento, así como exercer os seus dereitos de acceso, rectificación, cancelación/supresión, limitación e portabilidade a través de correo postal ao enderezo ALSA GRUPO, S.L.U., Calle Josefa Valcarcel, 20, 28027, Madrid, ou por correo electrónico asesoria@alsa.es. Así mesmo, se considera que os seus datos foron tratados de forma inadecuada, poderá dirixirse ao Delegado de Protección de Datos de Alsa (dpo@alsa.es) ou poderá presentar unha reclamación ante a Axencia Española de Protección de Datos, Calle Jorge Juan, 6, 28001, Madrid.

IX. LEI APLICABLE E FORO COMPETENTE

As presentes Condicións Xerais aplicaranse e interpretaranse de acordo coa lexislación española. Para cantas controversias puidesen derivarse del, as partes, con renuncia expresa ao foro que puidese corresponderlles, acordan a súa submisión aos xulgados e tribunais do domicilio do cliente. O cliente Alsa Plus declara que todos os datos reflectidos no formulario de adhesión son verdadeiros, que coñece e acepta as condicións do presente programa de fidelización e que, mediante a súa sinatura, manifesta a súa adhesión voluntaria a estas, e constitúen a primeira compra dun billete Alsa, declaración expresa do total coñecemento e aceptación de ditas condicións. Do mesmo modo, recoñece que recibiu neste acto un exemplar das presentes Condicións.