Se ao pagar con tarxeta na web ou na app aparece unha mensaxe de erro e non recibes os billetes por correo electrónico pode deberse a:

  • Erro ao introducires o número de tarxeta, CVV ou data de caducidade.
  • Non ter activada para a tarxeta a opción de comercio electrónico seguro.
  • Falta de saldo na tarxeta.
  • Erro de conexión na transacción.

O habitual é que, se se produce unha mensaxe de erro, non se realice nin a transacción nin o cobro.

Se se producise un cargo sen emisión do billete, o sistema de seguridade de Alsa detectará o erro e reembolsará automaticamente o importe no prazo de 1 hora.

Que facer se acontece algún problema co pagamento

En caso de incidencia, ponte en contacto connosco a través de:

  • Teléfono 24 h: (+34) 919 914 030
  • Formulario de Incidencias pagamento web.

Para unha atención máis áxil da incidencia, precisaremos a seguinte información sobre a compra:

  • Documento de identidade utilizado.
  • Segundo o método de pagamento:
  1. Tarxeta: os 6 primeiros e os 4 últimos díxitos da tarxeta coa cal se realizou o pagamento.
  2. PayPal: correo electrónico asociado á conta neste servizo.
  3. Pagamento con factura móbil: número de teléfono.
  • Importe exacto da transacción.
  • Data de compra.
  • Orixe e destino.
  • Data e hora da viaxe.

Erro de autenticación de tarxeta

Se tes activado o servizo de compra segura por Internet, ao realizares transaccións en liña, algúns comercios solicitaranche un código de verificación de tarxeta, que o teu banco che facilitará por SMS.

Se introduces algún díxito do código erroneamente, a transacción cancelarase e aparecerache unha mensaxe de «Erro de autenticación de tarxeta».

Ademais, se unha vez recibido o código de autenticación de tarxeta excedes o tempo permitido para introducilo, o sistema darache erro e deberás solicitar un novo código.

Que significa tarxeta allea ao servizo?

Se ao realizares unha compra aparece unha mensaxe de «Tarxeta allea ao Servizo» significa que o tipo de tarxeta que usaches non é recoñecida polo sistema.

Lembra que Alsa acepta o uso de calquera tarxeta financeira, incluídas as tarxetas estranxeiras, sempre que sexan Visa, MasterCard, Maestro ou American Express.

Se non atopas o que buscas, póñase en contacto connosco (en castelán)