Tras avisar o condutor da túa intención de utilizar o servizo, e co vehículo completamente detido, infórmao de se necesitas algún tipo de asistencia para acceder.

Como regra xeral, non está permitido que o persoal de condución abandone o posto de mando, pero si poderán activar todos os medios técnicos do vehículo para facilitarche a entrada:

• Se tes algunha dificultade de acceso, inclinará o vehículo ou mesmo activará a rampla/plataforma de cadeira de rodas.
• Facilitarache indicacións sobre as prazas reservadas e información sobre a túa parada de destino, se así o desexas.
• Procurará que todos os elementos auxiliares de mobilidade se sitúen correctamente no autobús, sen obstaculizar o tránsito ou supoñer un risco para outros viaxeiros durante a viaxe.

No caso dos viaxeiros en cadeira de rodas, para embarcar deberán colocarse na porta central, xa que é onde se atopa a rampla/plataforma de acceso. Estas portas contan cun pulsador de solicitude de rampla/plataforma que avisa o condutor da túa intención de acceder na cadeira.

O condutor accionará a rampla/plataforma automática de acceso e, unha vez finalizada a manobra de despregamento (cando cesen as luces e sons intermitentes), xa poderás utilizala para acceder.

En moitos dos nosos vehículos contamos ademais con ramplas manuais, como elemento de seguridade adicional para garantir o teu acceso no caso de que falle a rampla automática. Unha vez no interior do vehículo, diríxete ao espazo PMRCR e asegura a túa cadeira de rodas segundo corresponda. Consulta máis información sobre este proceso.

Para desembarcar, avisa con antelación suficiente á parada activando o pulsador de solicitude de rampla/plataforma, e espera de novo a que o dispositivo termine de despregarse antes de baixar.