Español
Català
Français
English
Italiano
Portugues
Euskara
Deutsch
Cultura de cumprimento en Alsa
En Alsa temos implantada unha cultura organizacional de cumprimento normativo en todas as Áreas, o que garante a efectividade dos controis vencellados ás distintas Áreas e fortalece o noso Sistema de Xestión de Cumprimento Penal.
Contamos cun Sistema de Xestión de Cumprimento Penal cuxo labor se centra nos seguintes aspectos:
- A identificación de actividades que supoñan un risco penal.
- O establecemento de Protocolos e Procedementos necesarios para definir e implementar procesos que mitiguen a ocorrencia de delito.
- A verificación e avaliación do Modelo de Cumprimento.
- A obriga de informar de calquera cuestión, reclamación e incumprimento a través da A concienciación e sensibilización acerca da necesidade de cumprir coa lexislación aplicable e coa normativa e procedementos internos.
- Canle de Integridade de Alsa.
A continuación, mostramos as principais políticas que compoñen o noso Modelo de Cumprimento:
Código
ético
Establece os principios, valores e comportamentos que cómpre que rexan na Organización e que resultan de obrigado cumprimento.
Política
de Compliance
Establece os obxectivos e as bases do Sistema de Xestión de Cumprimento Penal en Alsa, así como os roles e as responsabilidades.
Política
do Sistema de Información
Establece os principios e as garantías fundamentais de utilización e funcionamento do Sistema Interno de Información.
Canle de Integridade de Alsa
En Alsa cremos nos nosos valores (excelencia, seguridade, persoas, comunidade e medio ambiente e cliente) que nos esixen cumprir estritamente coa normativa, máxime cando a nosa misión é liderar o cambio modal cara ao transporte público colectivo.
Levamos máis de cen anos evolucionando en constante mellora, polo que consideramos que o noso compromiso coa ética e a transparencia non fai senón acompañarnos nesta constante evolución.
Por todo isto, en cumprimento da Lei 2/2023, de Protección ao informante, abrimos unha canle segura onde os nosos empregados e grupos de interese poidan formular dúbidas, realizar consultas e informar sobre calquera comportamento irregular ou ilícito que resulte contrario á lexislación vixente ou ao Código Ético de Alsa publicado nesta web.
Indicamos as tres vías de comunicación en Alsa (todas as canles permiten as comunicacións anónimas).
A través da ferramenta tecnolóxica Navex..
Chamando ao teléfono 900 98 1221
Co teléfono móbil mediante este código QR que redirixe directamente á web:
Esta canle permite comunicar tanto de forma anónima como persoal e ofrecer as máximas garantías de confidencialidade, privacidade e seguridade. Unicamente determinadas persoas en Alsa teñen acceso ás comunicacións, o que permite o seu tratamento estritamente confidencial.
A través da Canle de Integridade, todas as persoas que se relacionan profesional ou comercialmente con Alsa poderán trasladar calquera tipo de incumprimento do que teñan coñecemento de forma doada, rápida e segura, sempre que se trate de actos indebidos, contrarios á ética, á lexislación vixente ou ao noso Código Ético.
Nesta Canle non se deben comunicar aspectos relativos á xestión de consultas ou reclamacións de tipo comercial. Para estas cuestións, Alsa ten habilitadas outras canles de atención ao cliente.
Por outra banda, para cuestións relativas a protección de datos, deben dirixirse a dpo@alsa.es. Consulta toda a información.
Unha vez se comprobe que a comunicación se realiza de boa fe, iniciarase a análise da información fornecida e investigarase ou arquivarase a comunicación, segundo corresponda.
A análise realizaraa o responsable do Sistema xunto co Comité de Cumprimento, os cales están dotados da autonomía e independencia necesarias para que a investigación dos feitos se realice con todas as garantías de obxectividade e imparcialidade.
Así mesmo, a ferramenta proporcionará ao comunicante un usuario e contrasinal para poder ter información actualizada sobre o estado do caso.
Garántese a ausencia de represalias, tal e como establece o noso Código Ético, e prohíbense expresamente os actos de represalia contra os comunicantes. Por iso, en Alsa velamos para que ningún informante de boa fe sufra represalias.
Podedes consultar calquera dúbida sobre esta canle na Política do Sistema Interno de Información.
Certificado AENOR Sistema de Cumprimento Penal (UNE19601) 
Alsa conta cun Sistema de Xestión de Cumprimento Normativo certificado por AENOR de acordo coa norma UNE 19601:2017.
Ese sistema de cumprimento normativo, plenamente implantado e en vigor, desprega todos os seus efectos coa finalidade principal de mitigar e reducir ao máximo a posibilidade de que calquera persoa da compañía poida delinquir.
Esta certificación distínguenos como modelo de boas prácticas éticas e de implementación eficaz dun programa de prevención de delitos no seo da empresa.
