Estatuko eta eskualdeko ibilbideetan, konpainia-animalia baten txartelaren kostua bidaiari “heldu” baten txartelaren prezioaren % 50 izango da, oinarrizko tarifan (oinarrizko tarifa hautatutako ibilbidearen prezioa izango da, promozio, tarifa berezi edo deskonturik gabe). Alsaren edozein salmenta-kanaletan eros dezakezu txartela. Nazioarteko ibilbideetan ez dago konpainiako animaliekin bidaiatzeko aukerarik.

Segurtasun arrazoiengatik EZ dugu gomendatzen konpainia-animaliekin bidaiatzea giro-tenperatura 25ºC-tik gorakoa den egunetan eta orduetan.

Ez ahaztu konpainia-animaliak garraiatzeko baldintzak begiratzea.

Zure maskotaren txartela erosteko:

www.alsa.es/eu webguneetan

  • Hautatu zerbitzua, eta “Pertsonalizatu zure bidaia” atalera iritsita, “Osatu zure txartela” atalean, hautatu “Konpainia-animalia” aukera.
  • Erosketaren laburpenean, azken prezioa eta zure konpainia-animaliaren txartelaren zenbatekoa ikusi ahal izango dituzu, “Zerbitzu gehigarria” eremuan.

Aplikazioan

  • Hautatu zerbitzua, sartu bidaiarien datuak eta, “Zerbitzu gehigarriak” atalean, hautatu “Konpainia-animalia” aukera.
  • Erosketaren laburpenean, zure konpainia-animaliaren txartelaren zenbatekoa “Animalien garraioko gehig.” gisa agertuko da.

Saltokietan eta telefono bidezko salmentan

  • Bidaia erostean adierazi konpainia-animalia bat eramango duzula, eta azken salmentan jasoko da, betiere hautatutako zerbitzuan horrelako aukerarik badago.

Autosalmentako makinak

  • Hasi zure txartela erosteko prozesua, eta ordainbidea hautatu baino lehen, aukeratu “Konpainia-animalia” osagarria; zure txartelari gehituko zaio.

Zer bilatzen ari zaren aurkitzen ez baduzu, jarri gurekin harremanetan (gaztelaniaz)