Español
Català
Français
Galego
English
Italiano
Portugues
Deutsch
Prezioak eta deskontuak
Alsan, gure bezero guztiei ahalik eta baldintzarik onenetan bidaiatzeko aukera eskaintzea dugu xede, baita desgaitasuna duten bidaiariei eta haien laguntzaileei ere.
Gure Alsa Plus fidelizazio-programak dakartzan abantailez gain, eta egun berezietan edo korridore jakin batzuetan aktibatzen ditugun promozioez gain, desgaitasuna duten bidaiariei honako hauek eskaintzen dizkiegu:
% 33ko edo hortik gorako desgaitasun-maila duen bidaiariak eta harekin batera doan laguntzaile batek % 15eko deskontua izango dute ibilbide luzeko eta eskualdeko gure linea guztietan.
Horretarako, deskontu hori egiaztatzen duen dokumentazioa erakutsi behar da, derrigorrez, autobusera igotzean.
Ezin da beste promozio, tarifa berezi edo deskontu batzuekin batera erabili (Familia Ugariko deskontuarekin izan ezik).
Horretaz gain, ibilbide jakin batzuetan, hobari hori hobetzen duten beste deskontu gehigarri batzuk ere badira. Kontsultatu baldintzak txartela erosteko garaian.
Zure gurpil-aulkian beharrean, autobuseko eserleku arrunt batean eserita bidaiatu nahi baduzu, doan egin dezakezu.
Gure salmenta-prozesua egokitu dugu, eserleku batera transferitu nahi izango duzula guri jakinarazteko arazorik izan ez dezazun eta, hartara, autobusera igotzen zarenean zuretzat gordeta egongo da. Hemen duzu prozesu horri buruzko informazio gehiago.
Gurpil-aulkia behar baduzu eta laguntza behar baduzu eserleku arrunt batera transferitzeko, edo, gurpil-aulkia maletategian sartuz gero, autobusera igotzeko, Alsatik beste txartel bat eskainiko dizugu, doan, horretan lagunduko dizun laguntzailearentzat.
Laguntzaile horrek zurekin batera egin beharko du bidaia osoa, tarteko geldialdietan laguntza behar baduzu ere, edo bidaian gorabeheraren bat sortuz gero ere. Hemen duzu prozesu horri buruzko informazio gehiago.
Adimen- edo garapen-desgaitasun bat baduzu, eta % 33ko minusbaliotasun-maila edo handiagoa, zure laguntzailearekin bidaiatu ahal izango duzu, autobus berean, hainbat abantaila ere izanik.
Zure laguntzaileak doan bidaiatu ahal izango du zurekin, eta zuk ehuneko 15eko deskontua izango duzu zure txartelean.
Deskontu hori Alsak probintzia batetik bestera egiten dituen ibilbide guztietan eta Espainia barruko zenbait eskualde-zerbitzutan aplika daiteke.
Adibidez, txartel baten prezioa 20 euro baldin bada, zuk 17 euro baino ez dituzu ordainduko, eta zure laguntzaileak doan bidaiatuko du.
Nola eskatu deskontua?
Hobari horretaz baliatu ahal izateko, alta hartu behar duzu.
Alta hartzeak esan nahi du zure datuak eman behar dizkiozula enpresa bati edo webgune bati; kasu honetan, Alsa da enpresa.
Alta hartzeko, formulario hau bete behar duzu.
Desgaitasun Ziurtagiria atxiki behar diozu formularioari. Desgaitasun Txartelak ez du balio; Desgaitasun Ziurtagiria soilik da balekoa.
Bidali duzun dokumentazioa aztertuko du Alsak, eta Plena Inclusión Madrid erakundearekin baliozkotu ostean, 10 bat egunen buruan erantzungo dizu.
Zerbitzu honetako altak 5 urterako balio du. Epe hori igarotakoan, beste 5 urtetarako berritu dezakezu alta.
Nola erosi txartelak deskontu hori aplikatuta?
Deitu 900 814 114 telefono-zenbakira, esan "laguntzailea doan" deskontuaren onuradun zarela eta adierazi zure NAN zenbakia.
Txartela ezeztatzen baduzu, laguntzailearena ere ezeztatu behar duzu.
Gure zenbait emakidatan, goian aipatutako deskontu orokorrez gain, beste hobari gehigarri batzuk ere eskaintzen ditugu desgaitasuna duten gure bidaiarientzat.
Xehetasun gehiago jakiteko, kontsultatu zerbitzu bakoitzari buruzko orriak:
- Murtzia-Almeria
- Madril-Guadalajara
Deskontu horietaz baliatzeko, agiri hauek aurkeztu behar dituzu autobusera igotzean.
- % 33ko edo hortik gorako desgaitasuna eta laguntzailea: desgaitasuna duen pertsonak bere autonomia-erkidegoak emandako txartela aurkeztu behar du, edo, bestela, desgaitasun-ziurtagiria.
- Transferentzia-plaza doan gurpil-aulkian doazen bidaiarientzat: kasu horretan, bidaiariak ez du agiririk erakutsi behar, bere txartela ez bada. Hala ere, erreserba egiteko unean adierazi behar izan du eserleku gehigarri horretaz baliatu nahi duzula.
- Laguntzailea doan gurpil-aulkian doan bidaiariari transferentzia egiten edo autobusera igotzen laguntzeko (gurpil-aulkia maletategian uzten badu): kasu horretan ere bidaiariak ez du agiririk aurkeztu beharko, baina txartela erosteko prozesuan adierazi behar izan du inguruabar hori.
Bi bidaiariek, hau da, gurpil-aulkiaren erabiltzaileak eta haren laguntzaileak, txartel izendunak izango dituzte, eta autobusera igotzean aurkeztu egin beharko dituzte. - % 33tik gorako desgaitasun intelektuala duen bidaiariari laguntzeko pertsona: deskontu horretaz baliatu ahal izateko, aurrez erregistratu egin behar da eta, horretarako, Plena Inclusión elkartearen laguntza dugu.
