En canto termines a compra do teu billete, o noso sistema de vendas emitirá unha alerta automática a todos os departamentos implicados para que organicen o servizo segundo as túas necesidades.

Esta organización inclúe, entre outros, os seguintes elementos:

• Autocar accesible con plataforma elevadora para o embarque do viaxeiro en cadeira de rodas. Previamente, retirariamos as butacas necesarias para habilitar o espazo onde se situará a cadeira de rodas e que irá ancorada ao chan do vehículo segundo a normativa.
  Consulta toda a información sobre os requisitos que debe cumprir a túa cadeira de rodas para viaxar no espazo PMRCR. 
• Persoal de condución ao que se avisou previamente da túa reserva para que che facilite o embarque con antelación suficiente. Contamos con procedementos e instrucións detalladas para todas as fases da viaxe e todos os tipos de servizos e vehículos.
• Parada/dársena accesible. Para que poidas utilizar a plataforma de acceso ao autocar, é necesario que a parada ou a dársena da estación cumpra certas dimensións mínimas, polo que nos aseguraremos de que o teu servizo arrinca e finaliza en paradas adecuadas.
  Por limitacións físicas dalgunhas paradas ou estacións, cuxa xestión é responsabilidade de entidades externas a Alsa, nalgúns destinos non imos poder ofrecerche un servizo accesible. Estamos a traballar para que estas entidades actualicen canto antes estes espazos para facelos adecuados para todos.
• Rampla auxiliar para cargar no maleteiro os elementos de axuda á mobilidade. Para facilitar o embarque/desembarque destes elementos, contamos nas nosas instalacións principais con ramplas pregables auxiliares que se reservan de maneira automática no mesmo momento da compra do billete.
  Ademais, instalamos na nosa frota accesible un sistema adicional de ancoraxes e suxeicións para asegurar estes elementos de mobilidade nun espazo reservado na bodega.
  Consulta máis información sobre os requisitos que debe cumprir a túa cadeira de rodas para viaxar no maleteiro.