Español
Català
Français
English
Italiano
Portugues
Euskara
Deutsch
Prezos e descontos
En Alsa traballamos para ofrecer as mellores condicións de viaxe a todos os nosos clientes, incluíndo os viaxeiros con discapacidade e os seus acompañantes.
Alén das vantaxes do noso programa de fidelización Alsa Plus e das diferentes promocións que activamos en datas sinaladas ou corredores específicos, ofrecemos aos viaxeiros con discapacidade:
Os viaxeiros cun grao de discapacidade igual ou superior ao 33 % e un dos seus acompañantes gozan dun 15 % de desconto en todas as nosas liñas de longo percorrido e rexionais.
Para iso é imprescindible mostrar a documentación acreditativa deste desconto ao acceder ao autobús.
Desconto non acumulable a outras tarifas especiais, promocións nin descontos (excepto Familia numerosa).
Ademais, en determinadas rutas, existen outros descontos adicionais que melloran esta bonificación. Consulta as condicións á hora de comprar o billete.
Se desexas viaxar sentado nunha butaca convencional do autobús, en lugar de na túa cadeira de rodas, podes facelo de maneira gratuíta.
Adaptamos o noso proceso de venda para que nos poidas comunicar de maneira sinxela que vas querer transferirte a esta butaca, de forma que a teñas reservada cando accedas ao vehículo. Consulta máis información sobre este proceso.
Se es usuario de cadeira de rodas e necesitas axuda para transferirte a unha butaca convencional, ou para subir ao vehículo se a túa cadeira viaxa no maleteiro, desde Alsa facilitámosche un billete gratuíto para o acompañante que che axude a facer esta tarefa.
Este acompañante deberá viaxar contigo durante toda a viaxe, para poder axudarche nas paradas intermedias ou en caso de sufrir algunha incidencia durante a viaxe. Consulta máis información sobre este proceso.
Se tes unha discapacidade intelectual ou do desenvolvemento, cun grao de minusvalía igual ou superior ao 33 %, vas poder viaxar coa túa persoa de apoio no mesmo autobús con algúns beneficios.
A túa persoa de apoio poderá viaxar gratis contigo e ti terás un 15 por cento de desconto no teu billete.
Este desconto vale para todos os percorridos que realiza Alsa entre diferentes provincias e para algúns servizos rexionais en España.
Por exemplo, cando un billete custa 20 euros, ti só pagarás 17 euros e o teu acompañante viaxará gratis.
Como podes solicitar o desconto?
Para poder gozar deste beneficio tes que darte de alta.
Darte de alta quere dicir que tes que dar os teus datos a unha empresa ou páxina web; neste caso, a empresa é Alsa.
Podes darte de alta enchendo o seguinte formulario.
No formulario tes que achegar o Certificado de Discapacidade. A Tarxeta de Discapacidade non vale, só vale o Certificado de Discapacidade.
Alsa revisará e validará con Plena Inclusión Madrid a documentación que enviaches e contestarache nuns 10 días.
A túa alta neste servizo dura 5 anos. Despois dese tempo, podes renovar a alta por outros 5 anos máis.
Como podes mercar os billetes con este desconto?
Chama ao teléfono 900 814 114, di que es beneficiario do desconto «gratuidade persoa de apoio» e di o teu DNI.
Se anulas o teu billete, tes que anular o da túa persoa de apoio.
Nalgunhas das nosas concesións, ademais dos descontos xerais anteriores, ofrecemos algunhas bonificacións adicionais para os nosos viaxeiros con discapacidade.
Para obter máis detalles, consulta as páxinas dedicadas a cada un destes servizos:
Para beneficiarte destes descontos, cómpre que presentes durante o embarque a seguinte documentación.
- Discapacidade igual ou superior ao 33 % e acompañante: a persoa con discapacidade debe presentar a súa tarxeta expedida pola súa comunidade autónoma ou, no deu defecto, o certificado de discapacidade.
- Praza de transferencia gratuíta para viaxeiros en cadeira de rodas: neste caso non é necesario que o viaxeiro presente ningunha documentación ademais do seu billete. Non obstante, si debe indicar durante a reserva que vai querer gozar deste asento adicional.
- Acompañante gratuíto para axudar o viaxeiro en cadeira de rodas na transferencia ou no embarque (se deixa a súa cadeira no maleteiro): neste caso tampouco é necesario que o viaxeiro achegue ningunha documentación, pero debe indicar esta circunstancia durante a compra do billete.
Ambos os viaxeiros, a persoa usuaria de cadeira de rodas e o seu acompañante, disporán dos seus propios billetes nominativos que deberán presentar no embarque. - Persoa de apoio para viaxeiro con discapacidade intelectual superior ao 33 %: este desconto require un rexistro previo para o que contamos co apoio de Plena Inclusión.
