Sinalización exterior correspondente á súa homologación en accesibilidade.

Pulsador exterior para solicitude de plataforma elevadora motorizada.

Plataforma elevadora motorizada para facilitar o acceso ao autobús de viaxeiros en cadeira de rodas/escúteres.

Trátase de elevadores 100 % automáticos con mecanismo de protección eléctrica, barras de protección lateral e tapas despregables diante e detrás para facilitar o embarque e evitar posibles caídas.

Consulta as características mínimas de cadeiras de rodas e escúteres admitidos.

Os vehículos destas concesións teñen asentos abatibles que permiten liberar rapidamente ata 2 prazas para as persoas que viaxan na súa cadeira de rodas ou escúter.

A cadeira de rodas do pasaxeiro viaxará no sentido da marcha fixada ás guías instaladas no piso do autobús mediante un sistema especial de ancoraxes.

Pulsadores de parada específicos para os pasaxeiros situados nestas prazas.

Rampla auxiliar para facilitar a carga en maleteiro de equipos pesados de axuda á mobilidade (cadeiras de rodas eléctricas, escúteres, etc.).

Sistema adicional de ancoraxes e suxeicións para asegurar estes elementos de mobilidade na bodega, nun espazo especialmente reservado para estes equipos.

Consulta as características mínimas de cadeiras de rodas e escúteres admitidos no maleteiro.

Estas prazas sitúanse preferentemente nas proximidades das portas do vehículo para facilitar o acceso dos usuarios con mobilidade reducida ou discapacidade.

Identifícanse mediante unha cor diferenciada de tapicería e pictogramas distintivos, e contan con maior espazo para facilitar a accesibilidade e, incluso, para acomodar o can de asistencia se fose preciso.

Os nosos autobuses contan con 2 prazas con sistema ISOFIX para facilitar a viaxe con berces de transporte e cadeiras infantís. É responsabilidade do pai/nai/titor traer consigo un SRI (Sistema de Retención Infantil) homologado que conte con este sistema de retención, así como instalalo na butaca en condicións de seguridade.

As prazas con ISOFIX atópanse no lado esquerdo do vehículo, detrás das butacas reservadas para PMR, e identifícanse no plano de butacas dos carteis interiores do autobús.

Os nosos autobuses contan con 2 prazas con sistema alzador de coxín Kidosafe para facilitar a viaxe de menores de idade de grupos 2 e 3 (entre 15-36 kg de peso, e ata 135-150 cm de altura)

É obrigatorio usar o cinto de seguridade tamén nestas prazas.

As prazas con alzador de coxín atópanse no lado esquerdo do vehículo, detrás das butacas con ISOFIX, e identifícanse no plano de butacas dos carteis interiores do autobús.

Pulsadores de parada específicos para os pasaxeiros situados nestas prazas.

Trama completa de barras e agarradoiras en cor de contraste e material antiescorregadizo para facilitar o acceso, o tránsito interior e a saída do autobús.

Atoparalas en todas as escaleiras de acceso, bandexas portaequipaxes e butacas.

Pictogramas estandarizados de fácil comprensión repartidos polos diferentes elementos do vehículo, complementados con sinalización Braille.

Tamén se inclúen pictogramas para unha mellor comprensión dos nenos, persoas con discapacidade visual, auditiva ou cognitiva, seguindo as directrices do ARASAAC (Sistema Aumentativo e Alternativo de Comunicación – SAAC).

Piso antiescorregadizo de última xeración, con materiais que non producen reflexos, tanto en seco como en mollado.

Borde dos chanzos de acceso ao autobús en cor de contraste, xeralmente amarelo ou en material reflector.

Iluminación na zona das escaleiras de acceso.

Sistema antiaprisionamento en portas de acceso que inverte a apertura/peche en caso de atoparse con algún obstáculo.

Sistema de bloqueo de marcha, que impide o movemento do vehículo con algunha porta aberta ou a plataforma de acceso despregada.

Sistema de axeonllamento lateral (kneeling) que reduce a altura do vehículo no lado dereito para facilitar o acceso a pasaxeiros con discapacidade ou mobilidade reducida.

Sistema de elevación/descenso da carrozaría (levelling) que reduce a altura do vehículo completo e igualmente facilita o acceso de todos os viaxeiros.

Os vehículos contan con sistemas de axuda á explotación (SAE) que proporcionan información por megafonía e información visual exterior do autobús, con indicación de paradas, servizo e destino.

Ademais, contan con lazos de indución magnética que permiten aos viaxeiros escoitar as mensaxes relativas ao servizo nos seus propios implantes ou audiófonos.