Español
Català
Français
English
Italiano
Portugues
Euskara
Deutsch
Necesidade de viaxar acompañado, con asistencia ou persoa de apoio
Por razóns de seguridade, debes viaxar obrigatoriamente cun acompañante maior de 16 anos se necesitas axuda para:
- Comunicarte ou comprender indicacións do persoal que afecten a seguridade.
- Comer, beber ou ir ao baño durante a viaxe.
- Transferirte desde unha cadeira de rodas/escúter a unha butaca.
- Subir polas escaleiras.
En calquera caso, o acompañante deberá contar co billete correspondente e permanecer durante todo o traxecto co viaxeiro ao que asiste.
Se tes unha discapacidade intelectual ou do desenvolvemento, cun grao de minusvalía igual ou superior ao 33 %, vas poder viaxar coa túa persoa de apoio no mesmo autobús con algúns beneficios.
A túa persoa de apoio poderá viaxar gratis contigo e ti terás un 15 por cento de desconto no teu billete.
Este desconto vale para todos os percorridos que realiza Alsa nas concesións CV-202 e CV-302.
Por exemplo, cando un billete custa 20 euros, ti só pagarás 17 euros e o teu acompañante viaxará gratis.
Consulta a forma de solicitar este desconto.
Os cans de asistencia, incluídos cans de apoio a persoas con trastornos diabéticos e/ou epilépticos, poden viaxar no interior do autobús sen custo ningún e sen necesidade de reserva previa, coas seguintes condicións:
- Deben sentar no piso, aos pés do pasaxeiro.
- É obrigatorio que o can leve a súa correa e toda a súa documentación, especialmente a que o acredita como animal de asistencia, dado que pode ser requirida polo persoal de Alsa no momento do embarque.
- A acreditación que deben levar estes é un carné expedido pola Consellería competente, e un distintivo de identificación oficial que debe levar o can nun sitio visible.
