2022ko martxoa

Erabiltzeko termino eta baldintza hauek (aurrerantzean, “baldintzak”) hitzarmentzat hartzen dira, eta horren arabera arautzen da erabiltzaileek (aurrerantzean, “erabiltzailea” edo “erabiltzaileak”, dagokionaren arabera) Mobi4U aplikazioa (aurrerantzean, “aplikazioa” edo “Mobi4U”) deskargatzea eta erabiltzea.

ALSA GRUPO SLU konpainiak (helbidea: calle Josefa Valcárcel 20, 28027, Madrid; eta IFK: B-82059478) (aurrerantzean, “Alsa”), lizentziadun den aldetik, software azpiegitura bat erabiltzen du eta aplikazio horren bitartez eskaintzen ditu Alsak mugikortasunarekin lotutako zerbitzuak; software azpiegitura hori FOSTERING MOBILITY SL enpresak (aurrerantzean, “Meep”) sortu du, MaaS soluzio bat -aplikazioa edo Mobi4U- barne hartzeko.

Baldintza hauek onartzeak erabiltzaile izaera ematen du; baldintzak aplikazioaren hasierako pantailan berariaz onartzen dira, hau da, aplikaziora sartze hutsarekin edo hura erabiltze hutsarekin. Alde horretatik, aplikazioa deskargatzeak edo erabiltzeak esan nahi du erabiltzaileak baldintza hauek irakurri dituela eta osorik onartzen dituela, eta baldintza hauek erabat betetzera behartuta dagoela. Erabiltzailea ez badago ados baldintza hauen edukiarekin, partzialki bada ere, aplikaziotik atera beharko du eta bertan sartzeari uko egin beharko dio eta, beraz, bertan jasotako zerbitzuak erabiltzeari utzi beharko dio.

Baldintza hauek eta gerora egin daitezkeen aldaketak erabiltzailearen eta Alsaren arteko akordio osoa osatzen dute aplikazioari dagokionez, eta aurreko edo oraingo komunikazio guztiak ordezkatzen dituzte.

Alsak eskubidea du baldintza hauek bere kabuz edozein unetan aldatzeko. Baldintza hauetan funtsezko aldaketaren bat eginez gero, modu frogagarrian jakinaraziko zaio erabiltzaileari. Aurreko hori ez da aplikatuko funtsezkoak ez diren aldaketen kasuan, ezta agintari eskudunen neurrien edo derrigorrezko arau edo erregulazioen bitartez ezarritako aldaketen kasuan ere; horiek argitaratzen direnetik izango dira aplikatzekoak, baita aldez aurretik jakinarazi gabe ere.

Aldaketa egin ondoren aplikaziora sartze hutsak eta/edo hura erabiltze hutsak aldaketa oro onartzea ekarriko du; beraz, baldintzak aldizka kontsultatzea gomendatzen du Alsak. Baldintza orokorrak kontsultatzeko, “Laguntza” erlaitzean klikatu behar da, “Pribatutasun-politika eta erabiltzeko baldintzak” atalean.

Baldintza hauen hasieran adierazitako data bat dator baldintza hauek azkenekoz berrikusi zireneko datarekin, eta argitaratzen direnetik izango dira aplikatzekoak.

Aplikazioan dauden hainbat zerbitzu Meep-en edo, hala badagokio, horiek ematen dituzten hirugarrenen berariazko baldintza edo jarraibideen eraginpean egon litezke. Baldintza edo jarraibide horiek hemen ezarritakoaren osagarri izango dira edo horren aurkakoak izanez gero, baldintza hauen edukia ordeztuko dute, eta erabiltzaileak onartu egin beharko ditu Alsa dagokion zerbitzua ematen hasi aurretik.

1. APLIKAZIOAN SARTUTAKO ZERBITZUEN XEDEA

Aplikazioaren -Mobi4U- bitartez, Alsak (aurrerantzean, “operadorea”), jarduera nagusia bidaiarien errepideko garraioa duen Alsa erakundean sartutako enpresen ordezkari den aldetik, zerbitzu bat ematen die erabiltzaileei eta, horri jarraikiz, Alsa enpresa-erakundeko enpresa guztien garraio-zerbitzuak iragartzen, informatzen, eskaintzen eta saltzen ditu (aurrerantzean, “operadorearen zerbitzua” edo “operadorearen zerbitzuak)”; erabiltzaileek operadorearen zerbitzuaren edo zerbitzuen berri izan, horiek erreserbatu eta erosi ditzakete.

Alsak aplikazioan eskaintzen diren operadorearen zerbitzuak kontrolatzen eta ematen ditu. Aplikazioa operadorearen zerbitzu bat kontratatzeko erabiltzen duenean, erabiltzaileak onartzen du Alsarekin zuzeneko kontratu-harremana izatea, operadorearen zerbitzuaren hornitzaile den aldetik, eta operadorearen zerbitzua onartzearekin, ematearekin edo ezeztatzearekin zerikusia duen erabaki ororen erantzule bakarra izango da.

Operadorearen zerbitzuak Alsaren termino eta politikei atxikitzen zaizkie eta, beraz, erabiltzaileak nahitaez irakurri, onartu eta ulertu behar ditu haren terminoak eta politikak. Aplikazioaren “Laguntza” atalean aurkitu ahal izango ditu, “Pribatutasun-politika eta erabiltzeko baldintzak” sakatuta.

Aplikazioaren bitartez, erabiltzaileak egin nahi duen ibilbidearen abiapuntuari eta helmugari buruzko datuak sartu beharko ditu, edo interesatzen zaion geltokia hautatu, eta, jarraian, operadoreak ibilbide edo geltoki horretarako eskaintzen dituen aukerak agertuko zaizkio, bai eta ibilbide edo geltoki horri lotutako operadorearen zerbitzuak ere, erabiltzaileak gehien komeni zaion aukera hauta dezan. Gero, erabiltzaileak operadorearen zer zerbitzu nahi duen hautatu ondoren, operadoreak zuzenean kudeatuko du ordainketa, erabiltzaileak aplikazioan hautatzen duen metodoa erabilita, eta operadoreak zuzenean kudeatuko ditu ordainketak, aplikazioaren beraren bitartez.

Operadorea izango da bere zerbitzuari aplikatu beharreko arau oro betetzearen erantzule bakarra, eta arau horien arabera dagozkion baimenak eta lizentziak ere izan beharko ditu.

2. BAIMENDUTAKO ERABILERA ETA ERABILTZEKO MURRIZKETAK

Erabiltzaileak aplikazioa eta operadorearen zerbitzuak erabiltzeko baimena du, baina soilik baldintza hauei jarraikiz.

Erabiltzaileak aplikazioa eta operadorearen zerbitzuak erabiltzeko baimena du, baina soilik aplikatzekoa den legeriaren arabera baldintza hauek onartzeko legezko gaitasun nahikoa duen pertsona fisikoa bada eta Alsak baztertu ez badu baldintza hauetako xedapenen bat urratzeagatik.

Operadorearen zerbitzuak erabiltzeko Alsak ezarritako baldintzak betetzearen ardura erabiltzaileari dagokio, aplikatu beharreko termino eta araudiekin bat etorriz (adibidez: adina, nortasun-agiriak eta abar), eta ez-betetze horren ondoriozko kalte-galeren erantzule bakarra izango da.

Operadorearen zerbitzuak fede onez erabiltzeko konpromisoa hartzen du erabiltzaileak. Ez dago baimenduta erabiltzaileek operadorearen zerbitzuak beren erabilera pertsonala ez den beste edozein helburutarako erabiltzea, adibidez, helburu komertzialetarako, irabazi-asmoetarako edo negozioetarako.

Erabiltzailearen erantzukizuna da, erabili aurretik, aplikazioa eta eskaintzen diren operadorearen zerbitzuak bere beharrekin bat datozela egiaztatzea; era berean, erabiltzaileak aplikazioaz eta bertan jasotako informazioaz egiten duen erabilera erabiltzailearen erantzukizuna da, ez beste inorena.

Erabiltzaileak aplikazioaren zerbitzuak eta edukiak modu egoki eta arduratsuan erabiltzeko konpromisoa hartzen du, eta operadorearen zerbitzuak zabarkeriaz, iruzurrezko helburuetarako edo legez kontrako jardueretarako edo delitu diren jardueretarako, edo baldintza hauetan, jabetza intelektualari edo industrialari buruzko erregulazioan edo ordenamendu juridikoaren beste edozein arautan ezarritakoa urratzen duten jardueretarako ez erabiltzekoa ere bai. Era berean, Alsaren, beste erabiltzaile batzuen edo hirugarrenen irudia, interesak eta eskubideak kaltetu ditzakeen jokabiderik ez egiteko konpromisoa hartzen du erabiltzaileak.

Erabiltzaileak ez du aplikazioaren funtzionamendua edo operadorearen zerbitzuak eragotziko eta, bereziki, ez du beste erabiltzaile edo pertsona baten lekua hartuko. Erabiltzaileak aplikazioa edo zerbitzuak kaltetu, deuseztatu edo gehiegi kargatu, hondatu edo normaltasunez erabiltzea eragozten duen, horien segurtasunari eragiten dion edo horiek zailtzen edo oztopatzen dituen ekintzarik ez egiteko konpromisoa hartzen du. Debekatuta dago robot, armiarma edo beste edozein gailu, programa, aplikazio mugikor edo tresnaren bitartez sartzea aplikazioaren edo operadorearen zerbitzuen edozein ataletan sartzeko, horiek kopiatzeko edo kontrolatzeko, edo aplikazioaren nahiz operadorearen zerbitzuen bestelako erabilera eta sarbide oro, betiere ustiapen arruntaren aurkakoa bada eta helburu pertsonalak baditu. Era berean, debekatuta dago aplikazioaren edukiak lortzea edo lortzen saiatzea ohiko erabilera-moduaz edo Alsak berariaz baimendutakoez bestelako bitarteko edo teknikak erabiliz.

3. ERREGISTROA

Aplikazioa deskargatzeko eta instalatzeko eta, oro har, aplikazioaren edukietara sartzeko, ez da erregistratu beharrik. Dena den, operadorearen zerbitzu jakin batzuk erabiltzeko, erabiltzaileak erregistratu egin behar du, hau da, erabiltzaile bat eta pasahitz bat sortu behar ditu, eta kontua aktibatu, aurrerago deskribatuko diren baldintzetan.

Erabiltzaileak bi aukera izango ditu: aplikazioa lehen aldiz abiaraztean zuzenean erregistratzea, aplikazioa erabiltzeko jarraibideak azaltzeko pantailen ondoren, edo geroagoko uneren batean erregistratzea, “Hasi saioa” atalean klik eginez.

Horretarako, erabiltzaileak honako datu hauek eman behar ditu: bere izena eta abizena(k) –NANean agertzen diren bezala–, jaioteguna eta baleko helbide elektroniko bat, aplikazioari eta operadorearen zerbitzuei buruzko edozein jakinarazpen jasotzeko. Era berean, erabiltzaileak baleko mugikor-zenbaki bat eman beharko du, eta zenbaki hori balekoa dela egiaztatzeko, kode bat bidaliko dugu mezu bidez, Erabiltzaileak kode hori sar dezan erregistroa burutzeko.

Erabiltzaileak erregistroa egiteko nahitaez eskatzen den informazioa emateko konpromisoa hartzen du, bai eta informazio egiazkoa, osoa eta eguneratua ematekoa ere. Erabiltzailearen ardura da informazio hori eguneratuta edukitzea, dagokion moduan. Erabiltzaileak informazio faltsua, eguneratu gabea edo osatu gabea ematen badu, edo Alsak horrelakorik susmatzeko arrazoirik badu, Alsak erabiltzailearen erregistroa bertan behera utzi edo baliogabetu ahal izango du.

Erabiltzaileak bere pasahitza zaindu behar du, konfidentzialtasunez tratatu behar du eta ez die beste pertsonei jakinarazi behar. Ezin zaie beste erabiltzaile batzuei erabiltzailearen kontutik sartzen utzi, eta ez da beste erabiltzaile baten kontua erabili behar.

Erabiltzailea izango da bere kontutik edozein gailuren bitartez egiten den ororen erantzule. Beste erabiltzaile bat bere kontua erabiltzen ari dela edo bere segurtasuna beste edozein arrazoirengatik arriskuan egon dela susmatzen badu, berehala jakinarazi beharko dio Alsari.

Alsak erabiltzailearen kontua bertan behera utzi edo ezeztatu ahal izango du, bere ustez ez baditu baldintza hauek bete.

4. PREZIOAK, ALDAKETEN ETA BALIOGABETZEEN POLITIKA, ETA ORDAINTZEKO MODUA

Prezioak

Aplikazioa instalatzea eta erabiltzea doakoa da. Erabiltzaileak aplikazioaren bidez ordaindu behar dituen zenbateko bakarrak Alsak operadorearen zerbitzuari dagokionez ezarritako tarifak dira.

Alsak aplikazioan eskaintzen dituen prezioetan dagozkien zergak eta tasak sartuta daude. Operadorearen zerbitzuen prezioak Alsak ezarritako baliozkotasunari eta baldintzei atxikita daude. Operadorearen zerbitzuen prezioari aplikatutako zergak edo tasak aldatu ahal izango dira arauetan ezarritakoaren arabera. Ezeztatze-karguak Alsaren aldaketen eta baliogabetzeen politikaren araberakoak dira, ez beste ezeren araberakoak.

Deskontuak eta sustapenak

Deskontuak dagokion sustapenean aipatzen den operadorearen zerbitzuaren prezioari baino ez zaizkio aplikatzen, eta Alsak ezarritako baldintzei lotuta daude.

Deskontu edo sustapenetan murrizketa gehigarriak aplikatzeko ahalmena izango du Alsak, erabiltzaileei dagokion sustapenean edo aplikazioan horretarako dagoen atalean jakinarazten zaien bezala.

Aldaketen eta baliogabetzeen politika

Operadorearen zerbitzu bat eskatu ondoren, erabiltzaileak aplikazioaren bitartez ezezta dezake, baina zenbait kasutan, Alsak ezartzen duenaren arabera, ezeztatze-kargu bat aplikatuko da. Era berean, litekeena da ibilbidea erabiltzailearen kontuan kargatzea, erreserba egin ondoren bertaratzen ez bada. Alsaren ezeztatze-politikari buruzko informazio gehiago aurki dezake erabiltzaileak, baita aplikatzekoak diren tarifak ere, aplikazioaren “Laguntzak” atalean, “Aldaketen eta baliogabetzeen politika” sakatuta.

Ordaintzeko metodoak

Erabiltzaileak aplikazioaren bitartez ordain dezake kontratatu nahi duen operadorearen zerbitzua. Horretarako, “Nire txartelak” erlaitzera jo behar du, eta nahi duen ordainketa-metodoa hautatu, hau da, zordunketa-txartela edo kreditu-txartela.

Erabiltzaileak, bere aldetik, ezin izango du eskudirutan ordaindu aplikazioaren bitartez.

5. MEZUAK ETA JAKINARAZPENAK

Aplikazioan sartzen diren eta aplikazioaren bitartez merkaturatzen diren zerbitzuei dagokienez, erabiltzaileak abisuei eta/edo bestelako komunikazioei buruzko mezuak (aurrerantzean, "Push jakinarazpenak") aplikazioaren bitartez jaso ahal izango ditu zuzenean, edo testu-mezuen, WhatsApp bidezko mezuen edo mezu elektronikoen bidez, betiere emandako jarraibideen arabera, erabiltzaileak emandako datuen arabera eta Alsak aukeratutako kanalaren arabera.

Erabiltzaileak edozein unetan kontrola eta kudea dezake Push jakinarazpenen konfigurazioa, bere gailuko konfigurazioaren bidez aktibatuz edo desaktibatuz.

6. JABETZA INTELEKTUALA ETA INDUSTRIALA

Alsak beretzat gordetzen ditu marken, izen komertzial edo gainerako ikur bereizgarrien, patenteen eta jabetza intelektualaren gaineko eskubide guztiak, aplikazioaren edukiari eta diseinuari dagokienez.

Bestalde, aplikazioaren eduki guztiak ere Alsaren jabetzakoak dira, eta hor sartzen dira testuak, grafikoak, irudiak, diseinua eta eduki horiei legozkiekeen jabetza intelektualeko eskubideak ere, eta horien gaineko eskubide guztiak erreserbatuta daude.

7. APLIKAZIOAREN FUNTZIONAMENDUA

Alsak ez du bermatzen aplikazioaren eta bertan jasotzen diren zerbitzuen sarbidea eta funtzionamenduaren jarraitutasuna, eta, beraz, ez du erantzukizunik izango, indarrean dagoen ordenamendu juridikoan ezarritako mugen barruan, aplikazio honen eta, beraz, haren zerbitzuen eskuraezintasunaren, sarbide-akatsen eta jarraitutasun-faltaren ondorioz erabiltzaileari eragindako kalte-galeren gainean.

Gailu mugikorretan edo antzekoetan aplikazioa deskargatu, sartu eta erabiltzeak ez du esan nahi Alsa behartuta dagoenik birusik edo beste edozein elementu informatiko kaltegarririk ez dagoela kontrolatzera.

Erabiltzaileari dagokio, nolanahi ere, programa informatiko kaltegarriak detektatzeko eta desinfektatzeko tresna egokiak izatea.

8. PARTZIALKI BALIOGABETZEA

Baldintza hauetako edozein xedapen baliogabetzat jotzen bada, hori kendu edo ordeztu egingo da. Edonola ere, baliogabetasun adierazpen horrek ez du eraginik izango baldintza hauetako gainerako xedapenen baliozkotasunean.

9. APLIKATU BEHARREKO LEGEA ETA JURISDIKZIOA

Aplikazioa eta bertan dauden zerbitzuak erabiltzea Espainiako legearen arabera arautzen dira. Era berean, 524/2013 (EB) Erregelamenduaren 14. artikuluan xedatutakoari jarraikiz, erabiltzaileari jakinarazten zaio Europako Batzordeak baduela gatazkak konpontzeko online plataforma bat, honako esteka honetan: https://ec.europa.eu/consumers/odr/

Baldintza hauekin edo aplikazioa erabiltzailearekin lotuta sortzen den desadostasun, legezko prozedura edo auzi oro erabiltzailearen helbideari dagokion jurisdikzioaren eraginpean egongo da.