Txartela erosten amaitzen duzun bezain laster, gure salmenta-sistemak alerta automatikoa igorriko die inplikatutako sail guztiei, zerbitzua zure beharren arabera antola dezaten.

Antolaketa-lan horietan sartzen dira, besteak beste, honako elementu hauek:

• Autobus irisgarria, gurpil-aulkian doan bidaiaria autobusera igotzeko plataforma jasotzailea duena. Aldez aurretik, gurpil-aulkia kokatuko den espazioa egokitzeko kendu beharreko eserlekuak kenduko ditugu; gurpil-aulkia autobuseko lurrari ainguratuta joango da.
  Hemen duzu zure gurpil-aulkiak GAMUP espazioan bidaiatzeko bete behar dituen baldintzei buruzko informazio guztia.
• Gidariak aldez aurretik izango du zure erreserbaren berri, autobusera igotzeko erraztasun guztiak behar besteko aurrerapenaz izan ditzan prest. Prozedura eta jarraibide zehatzak ditugu bidaiaren fase guztietarako eta zerbitzu nahiz ibilgailu mota guztietarako.
• Geltoki/nasa irisgarria Autobusera igotzeko plataforma erabili ahal izateko, geltokiko geralekuak edo nasak gutxieneko neurri jakin batzuk izan behar ditu; hartara, zure zerbitzua geltoki egokietan hasi eta amaitzen dela ziurtatuko dugu.
  Zenbait geltoki edo geralekuren muga fisikoak direla eta (horien kudeaketa beste erakunde batzuen erantzukizuna da, ez Alsarena), helmuga batzuetan ezin izango dizugu zerbitzu irisgarria eskaini. Erakunde horiek espazio horiek lehenbailehen egunera ditzaten lortzeko lanean ari gara, guztiontzat egokiak izan daitezen.
• Mugitzen laguntzeko elementuak maletategian sartzeko arrapala osagarria. Elementu horiek errazago sartu/atera ahal izateko, gure instalazio nagusietan arrapala tolesgarri osagarriak ditugu, eta txartela erosten den une berean automatikoki erreserbatzen dira arrapala horiek.
  Gainera, gure autobus irisgarrien flotan ainguralekuen eta euskailuen sistema gehigarri bat instalatu dugu, mugikortasun-elementu horiek sotoko espazio berezi batean finkatzeko.
  Hemen duzu zure gurpil-aulkiak maletategian bidaiatzeko bete behar dituen baldintzei buruzko informazio gehiago.