Segurtasunagatik, 16 urtetik gorako laguntzaile batekin bidaiatu behar duzu, nahitaez, honako hauetarako laguntza behar baduzu:

• Komunikatzeko edo autobuseko langileek emandako segurtasun-jarraibideak ulertzeko.
• Bidaian jateko, edateko edo komunera joateko.
• Gurpil-aulki/eskuter batetik eserleku batera transferitzeko.
• Eskaileretatik igotzeko.

Nolanahi ere, laguntzaileak dagokion txartela izan beharko du, eta ibilbide osoan egon beharko du laguntza behar duen bidaiariarekin.

Laguntza-txakurrek –nahasmendu diabetikoak eta/edo epileptikoak dituzten pertsonei laguntzeko txakurrak ere sartzen dira– autobusaren barruan bidaiatu ahal izango dute, inolako kosturik gabe eta aldez aurretik erreserbarik egin behar izan gabe, honako baldintza hauek betez gero:

• Lurrean eserita joango dira, bidaiariaren oinetan.
• Txakurrak uhala eraman behar du, baita dokumentazioa ere, bereziki, laguntza-txakur dela egiaztatzen duen agiria, Alsako langileek eska baitezakete bidaiaria autobusera igotzean.
• Txakurrek eraman behar dituzten frogagiriak: Sail eskudunak egindako txartela, eta identifikatzeko bereizgarri ofizial bat, ongi ikusteko moduan.

Alsak laguntza-zerbitzuak eskaintzen ditu, ibilbide jakin batzuetan, mugikortasun urriko, adineko eta desgaitasunen bat duten bidaiarientzat. Zerbitzu horiek erosketa-prozesuan hautatu ahal izango dira, aukera hori duten ibilbideetan.

Autobusera igotzen eta autobusetik jaisten laguntzeko zerbitzua

Zerbitzu honek ez du kostu gehigarririk, eta honako hauetarako laguntza SARTZEN DA:

• Igotzeko eta jaisteko.
• Esleitutako tokia aurkitzeko.
• Bagajea kokatzeko abiapuntua, helmugan eta atsedenerako geldialdietan.

Zerbitzu honetan EZ DIRA SARTZEN:

• Mugitzen laguntzeko elementuen mailegua, ezta tarteko geldialdietan laguntza ere.
• Konpainia-zerbitzua, ez geltokian, ez barruan.
• Jateko, edateko edo komunera joateko laguntza. Horretarako laguntza behar izanez gero, norbaitekin joan beharko da bidaiaria.
• Transferentzia egiteko laguntza. Gurpil-aulkia behar baduzu eta autobuseko eserleku batean egin nahi baduzu bidaia, transferentzia zeure kabuz egiteko gai izan beharko duzu, edo horretan lagunduko dizun laguntzaile bat eraman. Hemen duzu informazio guztia.

Zerbitzu hau erabil daiteke abiapuntua edo helmuga adierazitako geltoki hauetan duten ibilbide guztietan:

• Madril – Granada. Madrileko eta Granadako geltokietan.
• Almeria – Murtzia. Almeriako eta Murtziako geltokietan.
• Granada – Granadako aireportua. Granadako geltokian.

Zerbitzu hau erabili nahi baduzu, mesedez, kontuan izan baldintza hauek:

• Irteera-ordua baino 30 minutu lehenago egon behar da nasan.
• Zerbitzu horietaz baliatzeko erreserba egin behar da aurretiaz, gutxienez 24 ordu lehenago, gure salmenta-puntuen bitartez, gure webgunean, aplikazioan edo bezeroari arreta emateko telefono-zenbakira deituta: 900 814 114.

Hemen duzu zerbitzua nola erosi jakiteko informazio gehiago.

Konpainia-zerbitzua geltokian, eta igotzen eta jaisten laguntzeko zerbitzua

Zerbitzu honek ez du kostu gehigarririk, eta honako hauetarako laguntza SARTZEN DA:

• Igotzeko eta jaisteko.
• Esleitutako tokia aurkitzeko.
• Bagajea kokatzeko abiapuntua, helmugan eta atsedenerako geldialdietan.
• Zehaztutako topagunetik abiatu eta irisgarritasun-oztopoak gainditzen laguntzea geltokian barrena.
• Bidaiariaren bagajearekin laguntzea, ahal den neurrian, geltokian barrena.

Zerbitzu honetan EZ DIRA SARTZEN:

• Mugitzen laguntzeko elementuen mailegua, ezta tarteko geldialdietan laguntza ere.
• Geltokiko komunen barruan konpainia egitea, ezta autobus barruan ere.
• Jateko, edateko edo komunera joateko laguntza. Horretarako laguntza behar izanez gero, norbaitekin joan beharko da bidaiaria.
• Transferentzia egiteko laguntza. Gurpil-aulkia behar baduzu eta autobuseko eserleku batean egin nahi baduzu bidaia, transferentzia zeure kabuz egiteko gai izan beharko duzu, edo horretan lagunduko dizun laguntzaile bat eraman. Hemen duzu informazio gehiago.

Zerbitzu hau Murtzia-Almeria ibilbidean erabil daiteke, Murtziako eta Almeriako geltokietan, baina ez tarteko geldialdietan.

Zerbitzu hau erabili nahi baduzu, mesedez, kontuan izan baldintza hauek:

• Irteera-ordua baino 30 minutu lehenago egon behar duzu topagunean. Alsako agente bat zurekin harremanetan jarriko da geltokiko topagunea zehazteko.
• Zerbitzu horietaz baliatzeko erreserba egin behar da aurretiaz, gutxienez 24 ordu lehenago, gure salmenta-puntuen bitartez, gure webgunean, aplikazioan edo bezeroari arreta emateko telefono-zenbakira deituta: 900 814 114.

Hemen duzu zerbitzua nola erosi jakiteko informazio gehiago.